|
| 小時候常希望的閒時遊車河, 終於有機會實現, 當然也我嗚謝表哥再一次借車給我, 非常爽快呢~  到達烏蛟騰, 幸好郊遊時天氣很好, 下午就落起大雨來...... 
烏蛟騰村一角, 地方很大, 難得沒有太多所謂新式的「西班牙屋」, 感覺純樸 
村中一個被棄置的石磨, 旁邊的一塊平滑大石, 是「磨刀石」 
「烏蛟騰茶水站」, 山長水遠, 一定要幫襯下! 
因老闆遠遊, 故只提供「餐旦麵」($20), 反而我覺得菜很新鮮, 全是自家種植, 好食! 
茶水站小狗, 卻令我想起塔門................... 
河流溪澗特多, 「賣飛佛」 
田中數攝, 我覺得會有很多題材 
大耍功夫!! yeah~ 
之後還到了: - 九肚山馬鈴徑公園 - 沙田山莊 - 桂地新村 - 獅子亭 - 沙田圍tea - 水泉澳新路 (未開, 折返) - 大埔公路 - 佐敦 - 青山公路 - 汀九 - 青龍頭 (正! 未解決) - 掃管笏 - 廈村 | | |
| 何謂「魚腩」? 看過一篇報導, 和大家分享:「魚腩無骨、肉軟易咀嚼，因此借用為體育術語，比喻實力非常差、欠缺競爭力的隊伍。歐洲足球中，聖馬力諾、馬爾他、法羅群島及安道爾等均被視為魚腩，在歐洲國家盃或世界盃外圍賽，強隊多可大勝這些對手，但法國在8月的世界盃外圍賽作客法羅群島時陷苦戰，僅小勝1﹕0，險些「食魚腩骾骨」。」昨晚由大塘湖吃過晚飯點馬鞍山, 特意搭73A回航, 由粉嶺到大埔一直享受「包車」, 沿途感受到涼意, 今年秋天似乎來得特別明顯 | | |
| 早前托朋友買餅卡, 今日到手, 感覺又完成了一件事.......... 中秋節快樂, 多謝未婚妻陪我行夜山...............點都好, 我覺得都算行左~ 
減肥計劃亦開始展開, 一切都在計劃當中...............299A開線, 跑步去了~ 玩物喪志!! 這句話很好, 我完全深深感受到 - PSP FM2008 (搞錯! 一唔可以大炒弱隊, 就唔知點解會無啦啦新機會RESTART) | | |
| 快一年倒數了, 踏入人生新一階段............ 好彩子賢係今年十月結婚, 幫佢整野之餘, 自己又偷下「橋」, 可以知多D嘛~ 幫公司拍的「MTV」...唔知幾時出街呢? 次次拍都聽幾次歌, 而家自己一個無聊都哼到出黎... 晚晚睇有線一台的<三國演義>, 雖然重播, 但都好點味, 琴晚睇到龐統@落鳳玻~ 今日放假, 同爸爸+雨行去河畔花園既<雍雅山房>(酒樓名)飲茶, 大中小點一律$7.8, 早知就唔駛得咁晏啦, 平就真係幾平, 食物就普通啦!($7.8 想點?) 就係飲茶中途, 見到果度一位部長, 面相好似龐統.......... | | |
| 屯門表姐走得好快, 全沒原因, 這兩天都特別取假, 幫手辦後事........ 說實在, 其實一切都安排好, 我做的只是陪屯門表哥, 在旁邊幫手拎野及駕車入屯門接姨丈姨媽出紅磡.... 也好, 叫做出過一份力~ 不過卻得到很多和表哥相處的時間, 兩人都談得很多! 也知道了很多事情..... 晚上, 人人都來了, 屯門表姐也有不少朋友........ 今天, 就是上山的日子.....就這樣走了.........表姐要一路好走啊, 不要掛心! (我揸車好慢咩? 一次由九龍城去紅磡, 非戰之罪, 因為要落車去reception登記入停車場; 另一次屯門接姨丈姨媽, 後來聽番姨丈話我手車慢........其實載住他們兩位, 我壓力挺大呢, 45mins車程可接受既, 安全到步就是了!! 呵呵) | | |
|
